پشاور: صوبہ خیبرپختونخوا کے دارالحکومت پشاور میں پاکستان تحریک انصاف (پی ٹی آئی) کے کونسلر رحمان افضل پر فائرنگ کی گئی، تاہم وہ واقعے میں محفوظ رہے۔
پولیس کے مطابق پشاور کے علاقے امین کالونی کے قریب نامعلوم حملہ آوروں نے پی ٹی آئی کے کونسلر رحمان افضل پر فائرنگ کی تاہم فائرنگ کے نتیجے میں کونسلر رحمان افضل بالکل محفوظ رہے۔ رحمان افضل کے مطابق حملہ آور موٹر سائیکل پر سوار تھے، جو فائرنگ کے بعد جائے وقوع سے فرار ہوگئے۔پولیس نے نامعلوم حملہ آوروں کے خلاف تھانہ بھانہ مانڑی میں مقدمہ درج کرکے تفتیش کا آغاز کردیا۔دوسری جانب یک خبر کے مطابق پشاور میں پاکستان تحریک انصاف کے کونسلر پر فائرنگ کا واقعہ پیش آیا ہے۔پشاور میں واقع امین کالونی کے قریب پی ٹی آئی کے کونسلر رحمان افضل پر نامعلوم ملزمان کی جانب سے فائرنگ کی گئی ہے تاہم خوش قسمتی سے کونسلر اس واقعے میں محفوظ رہے۔پولیس کا کہنا ہے کہ حملہ آور تین موٹر سائیکلوں پر سوار تھے ، جو فائرنگ کرکے باآسانی فرار ہونے میں کامیاب ہوگئے۔پولیس نے اس واقعے مقدمہ درج کر لیاہے اور تفتیش شروع کردی ہے۔پشاور ہی کے علاقے شہیدآباد میں واقع ایک مسجد میں نامعلوم افراد کی فائرنگ سے ایک شخص زخمی ہو گیا۔
