لاہور (نیوز ڈیسک) امریکی ڈالر کے مقابلے میں پاکستانی روپے کی بے قدری کے باعث ہر شخص پریشان ہے ۔ ایک طرف موجودہ کرنسی دن بدن بے وقعت ہوتی جارہی ہے تو دوسری جانب پرانے کرنسی نوٹ انتہائی مہنگے داموں فروخت کیے جارہے ہیں۔ آن لائن شاپنگ کی ویب سائٹ دراز ڈاٹ پی کے پر پاکستانی کرنسی کے 5 روپے کے پرانے نوٹ فروخت کیلئے پیش کیے گئے ہیں۔ 5 روپے کے آخری کرنسی نوٹ جو کہ نیلے رنگ کے تھے ، ویب سائٹ پر ان 5 روپے کے ایک نوٹ کی قیمت ایک ہزار روپے رکھی گئی ہے جبکہ اس نوٹ کی مکمل معلومات بھی فراہم کی گئی ہیں۔