Nawaz Sharif is a leader corruption Wallowing team, Peaceful protests are our right ,Malik Saeed

پیرس(ایس ایم حسنین)پاکستان تحریک انصاف فرانس کے سینیئر راہنما ملک سعید نے آج یس اردو نیوز کو انٹرویو میں رائے ونڈ مارچ کے حوالے سے گفتگو کرتے ہوئے کہا ہے کہ یہ پاکستان کی تاریخ میں اہم ترین مارچ ہے۔جو کہ کرپشن میں لتھڑی سیاسی مافیا سے نجات میں اہم کردار ادا کریگا۔ عمران خان کی قیادت میں پاکستان تحریک انصاف متحد ہے اور پر امن احتجاج ہمارا حق ہے۔حکمران اپنی کرپشن بے نقاب ہونے سے ڈرتے ہیں اور حقیقی اپوزیشن لیڈرکا کردار عمران خان ہی اداکر رہے ہیں سید خورشید شاہ سیاسی اداکار ہیں جو کہ چھوٹے چھوٹے مسائل پر بھی کنٹرولڈ بیانات دیتے ہیں
انہوں نے کہا کہ عمران خان کی ولولہ انگیز قیادت میں مسلسل تین سال ہم نے حکومت کا احتساب جاری رکھا ہے جس کی وجہ سے عوام کو ریلیف مل رہا ہے اگر ایسا نہ ہوتا تو عوام اب تک شریفوں کے کرپٹ نظام کا شکار ہو کر مایوس ہوجاتے ۔ ملک میں جاری تمام بڑے منصوبوں میں تھوڑی بہت ایمانداری سے جو کام ہو رہا ہے وہ ہماری تنقید اور مسلسل نتیجہ ہے۔