ہوم اپلائنسز کی ایک فرم نے ایسی مشین متعارف کرا دی ہے جس میں آپ کپڑے رکھ دیں تو کسی پرنٹر کی طرح وہ انہیں فولڈ کرکے آپ کو واپس کرے گی۔ امریکی اخبار کے مطابق ایک انوکھی مشین یا روبوٹ فولڈی میٹ   کو متعارف کرایا گیا ہے جو آپ کو کپڑے تہہ کرنے کی زحمت سے دور رکھے گا۔ فولڈی میٹ نامی یہ مشین تین فٹ اونچی ہے جسے کئی برس قبل بنایا گیا تھا تاہم اس کا اپ گریڈ اور جدید ترین ورژن اب پیش کیا گیا ہے اور اس کی قیمت 720 پاؤنڈ رکھی گئی ہے۔ کمپنی کا کہنا ہے کہ یہ مشین ایک قمیض یا پینٹ کو تہہ کرنے میں دس سیکنڈ صرف کرتی ہے۔ اس میں بیک وقت 15 تا 20 کپڑے رکھے جاسکتے ہیں جو یکے بعد دیگرے تہہ ہو کر آپ کو ملتے رہیں گے تاہم بڑے سائز کے کپڑے یا بہت چھوٹے کپڑے یہ مشین فولڈ نہیں کرسکے گی۔