ہیٹی سے آنے والا طوفان ’میتھیو‘ تباہی مچانے کے بعد امریکی ریاست فلوریڈا سے بھی ٹکرا گیا۔ طوفان کے باعث

‘Matthew’ hit Florida, Haiti, killing 842 people.

2 افراد ہلاک ہوئے ،جبکہ نو لاکھ سے زائد گھر اندھیرے میں ڈوب گئے ہیں۔

چوبیس لاکھ افراد کو احتیاط کی وارننگ جاری کردی گئی ۔طوفان کے باعث ہیٹی میں ہلاکتوں کی تعداد 842 ہوگئی۔کیٹگری 3درجے کا سمندری طوفان ایک سو بیس میل فی گھنٹہ کی رفتار سے فلوریڈا کے مشرقی ساحلی علاقوں سے ٹکرایا۔

تین لاکھ سے زائد افراد کو محفوظ مقامات پر منتقل کردیا گیا ہے۔ متاثرہ علاقوں میں بدھ سے ہفتے تک ساڑھے چار ہزار پروازیں منسوخ کی گئی ہیں۔

ادھر طوفان کے پیش نظر ریاست جارجیا کی دونوں بندرگاہیں بند کردی گئیں ہیں۔ فلوریڈا، جارجیا، شمالی کیرولینا، جنوبی کیرولینا میں ہنگامی حالت نافذ ہے۔

امریکی ریاست فلوریڈا میں جاری صدارتی مہم بھی طوفان کے پیش نظر عارضی طور پر ملتوی کردی گئی ہے۔ ہلیری کلنٹن اور ڈونلڈ ٹرمپ نے بھی ریاست میں اپنی صدارتی مہم فی الحال ملتوی کرنے کا اعلان کردیا ہے۔

اس سے قبل میتھیو طوفان نے کیوبا، بہاماس اور ہیٹی میں تباہی مچائی ےھی۔ ہیٹی میں طوفان سے842 افراد ہلاک ہوئے، جبکہ ساڑھے تین لاکھ بے گھر ہوئے ہیں۔