counter easy hit

کراچی، درخواست ضمانت مسترد ہونے پر عدالت سے 4 اغواکار فرار

کراچی: سٹی کورٹ میں اغوا برائے تاوان کے مقدمے میں ملوث 4 اغواکار عدالت سے فرار ہوگئے۔

KARACHI: Four kidnappers escaped from the court when the bail petition was rejectedاغوابرائے تاوان کے مقدمے میں گرفتار 4 اغواکاروں بابر،ناصر،جنید اور بابرعزیز کو عبوری ضمانت کی توثیق کے لیے سیشن عدالت میں پیشی کے لیے لایا گیا تو عدالت سے درخواست مسترد ہوتے ہی ملزمان پولیس کو چکما دے کر باآسانی فرار ہوگئے۔ واقعہ پرعدالت نے ریمارکس دیے کہ  لگتا ہے پولیس ملزمان سے ملی ہوئی ہے۔ مفرور ملزمان کی تلاش کے لیے پولیس نے سٹی کورٹ کے اطراف کے علاقوں میں سرچ آپریشن شروع کردیا ہے جب کہ ناکہ بندی بھی کردی گئی ہے۔ پولیس کا کہنا ہے کہ ملزمان نے فیروز آباد سے شہری اقبال کو اغوا کرکے ساڑے 4 لاکھ روپے تاوان وصول کیا جب کہ  شہری کے گھر سے کروڑوں روپے مالیت کے طلائی زیورات اور نقدی بھی لوٹی تھی۔ واضح رہے کہ احاطہ عدالت سے ملزمان کے فرار ہونے کا یہ پہلا واقعہ  نہیں، اس سے قبل بھی سٹی کورٹ سے خطرناک دہشتگرد اور لیاری گینگ وار کے ملزمان پولیس کو دھوکا دے کر فرار ہوتے رہے ہیں۔