counter easy hit

اداکاری کے بعد کنگنا رناوٹ ہدایت کاری کریں گی

اداکاری کے بعد کنگنا رناوٹ ہدایت کاری کریں گی

Kangana Ranaut will be directed after actingویسے تو بولی وڈ کی بے باک ہیروئن کنگنا رناوٹ ان دنوں اپنی آنے والی فلم ’سمرن‘ کی تشہیر میں مصروف ہیں۔ تاہم ان کے حوالے سے ایک نئی خبر سامنے آئی ہے کہ وہ اب اداکاری کے بعد ہدایت کاری کے شعبے میں بھی قدم رکھنے والی ہیں۔جی ہاں، کنگنا رناوٹ پروڈیوسر مانکا رنیکا کی چلڈرن فلم ’تیجو‘ سے ڈائریکشن ڈیبیو دینے جا رہی ہیں۔اس فلم کی خاص بات یہ ہوگی کہ اس میں کنگنا رناوٹ بھی شامل ہوں گی، مگر اس سے زیادہ دلچسپ بات یہ ہے کہ ’تیجو‘ میں وہ عمر رسیدہ خاتون کا کردار ادا کریں گی۔انڈین ایکسپریس نے اپنی خبر میں بتایا کہ کنگنا رناوٹ سمرن کی ریلیز کے بعد ’تیجو‘ کی شوٹنگ میں مصروف ہوجائیں گی، جس کی 30 فیصد شوٹنگ پہلے سے ہی مکمل کی جاچکی ہے۔

پہلی بار فلم کی ہدایت کاری کے حوالے سے کنگنا رناوٹ کا کہنا تھا کہ وہ یہ ذمہ داری صرف مانکا رنیکا کی وجہ سے لے رہی ہیں، اور ان کے پاس بچوں سے متعلق کام کرنے کے حوالے سے ڈھیر سارے آئڈیاز ہیں۔انہوں نے ’تیجو‘ کے حوالے سے نیک خواہشات کا اظہار کرتے ہوئے کہا کہ ہدایت کاری کے شعبے میں قدم رکھنے کے لیے ’تیجو‘ ان کے لیے بہت اچھا موقع ہے، اور اس موقع سے بھرپور فائدہ اٹھائیں گی۔خیال رہے کہ ’تیجو‘ کے حوالے سے سب سے پہلے ہندوستان ٹائمز نے رواں برس 20 مئی کو خبر دی تھی کہ کنگنا رناوٹ اس فلم میں 80 سالہ خاتون کا کردار بھی ادا کریں گی۔

فلم کو آئندہ برس کے آخر میں ریلیز کیے جانے کا امکان ہے۔دوسری جانب کنگنا رناوٹ اپنی آنے والی فلم ’سمرن‘ کی تشہیر میں مصروف ہیں، جسے رواں ماہ 15 ستمبر کو ریلیز کیا جائے گا۔

اس فلم میں کنگنا رناوٹ ایک ہنستی مسکراتی مگر چور لڑکی کا کردار ادا کرتی نظر آئیں گی، 5 دن قبل ہی اس فلم کے گانے کی ویڈیو جاری کی گئی تھی، جسے اب تک لاکھوں افراد دیکھ چکے ہیں۔

You must be logged in to post a comment Login