کوچی(ویب ڈٖیسک) بھارتی معروف اداکارہ اسوتھی باہو کو قطر میں مشنیات برآمد ہونے پر گرفتار کر لیا گیا ہے ۔ بھارتی میڈیا کی رپورٹس کے مطابق اسوتھی باہو اپنے ڈرائیور کے ہمراہ گاڑی پر سفر کر رہی تھیں کہ راستے میں ان کی گاڑی کو پولیس کی جانب سے اشارہ کرتے ہوئے روکا گیا اور تلاشی کے دوران ان کی گاڑی سے بھاری تعداد میں منشیات برآمد کر لی گئیں ہیں ، تھرکاکاارا پولیس اسٹیشن نے اسوتھی باہو کی گرفتاری کی تصدیق کردی ہے، پولیس کے مطابق اداکارہ سے منشیات برآمد کرکے کیس فائل کرلیا گیا ہے جبکہ مزید تحقیقات جاری ہیں۔رپورٹ کے مطابق بھارتی اداکارہ اکثر اوقات نائٹ پارٹیز میں جاتی رہتی ہیں جہاں وہ منشیات کی گولیوں کا استعمال کرتی ہیں۔واضح رہے کہ بھارت میں منشیات کا استعمال عام ہے اور پولیس آئے دن نائٹ پارٹیوں میں پولیس کی چھاپہ مار کارروائی میں متعدد افراد کو گرفتار کیا جاتا ہے۔خیال رہے کہ اس سے قبل انسداد منشیات سیل نے ایک بیکاسر میں واقع ہوٹل میں چھاپہ مار کارروائی کے دوران اداکار اعجاز خان کو اپنی حراست میں لیا تھا۔اداکار اعجاز خان کو نشے کی حالت میں گرفتار کیا گیا تھا ان کے قبضے سے 8 ایکٹیسی کی گولیاں برآمد ہوئی تھیں، پولیس نے ان کے دو موبائل فون بھی قبضے میں لے لیے تھے۔یاد رہے کہ خاتون نے الزام عائد کیا تھا کہ اعجاز خان انہیں مسلسل نازیبا پیغامات بھیج کر پریشان کررہے ہیں، بعدازاں پولیس نے اداکار کو گرفتار کیا تھا تاہم عدالت نے انہیں ضمانت پر رہا کردیا تھا۔