counter easy hit

بھارتی کوچنگ اسٹاف کا تنازع شدت اختیار کر گیا

نئی دہلی:  بھارت میں کوچنگ اسٹاف کے معاملے پر تنازع شدت اختیار کرنے لگا، معاملے کے حل کیلیے بی سی سی آئی کی خصوصی کمیٹی اور نئے کوچ روی شاستری کے درمیان منگل کو میٹنگ ہوگی۔

Indian coaching staff has been severely confronted

Indian coaching staff has been severely confronted

بی سی سی آئی کی جانب سے پہلے روی شاستری کو کوچ بنانے کے ساتھ ظہیر خان کو بولنگ اور راہول ڈریوڈ کو بیٹنگ کوچ کی ذمہ داریاں سونپنے کا بھی اعلان کیا گیا مگر بعد میں یہ خبریں سامنے آئیں کہ شاستری اپنا کوچنگ اسٹاف خود رکھنا چاہتے اور وہ ظہیر و ڈریوڈ کو ذمہ داری دینے سے متفق نہیں ہیں، اس پر بی سی سی آئی نے یو ٹرن لیتے ہوئے کہا کہ ڈریوڈ اور ظہیر کی تقرری کے بارے میں صرف سفارش کی گئی تھی حتمی فیصلہ نہیں ہوا تھا، اس اس سارے معاملے پر بورڈ کو خاص طور پر تنقید کا نشانہ بنایا جارہا ہے۔ اس تنازع کے حل کیلیے بی سی سی آئی نے ایک خصوصی کمیٹی تشکیل دے دی ہے جس میں سپریم کورٹ کی مقرر کردہ کمیٹی آف ایڈمنسٹریٹرز کی ممبر ڈینا ایڈلجی، بی سی سی آئی ے صدر سی کے کھنہ، قائم مقام سیکریٹری امیتابھ چودھری اور چیف ایگزیکٹیو راہول جوہری موجود  ہوں گے، اس خصوصی کمیٹی کی  منگل کو روی شاستری کے ساتھ خصوصی میٹنگ ہونا ہے جس میں شاستری کا نقطہ نظر جاننے کے ساتھ معاملے کا موزوں حل نکالنے کی کوشش کی جائے گی۔

دوسری جانب اس سارے معاملے کو ڈریوڈ اور ظہیر کی توہین بھی قرار دیا جارہا ہے تاہم کمیٹی آف ایڈمنسٹریٹرز کے سابق ممبر وکرم لامیے کا کہنا ہے کہ یہ سارا تنازع دراصل سابق کوچ انیل کمبلے اور کپتان انیل کمبلے کے درمیان ایشو کی وجہ سے پیدا ہوا، تب ہی اس معاملے کو عمدگی سے سنبھال لیا جاتا تو یہ صورتحال پیدا نہیں ہوتی۔ کمیٹی آف ایڈمنسٹریٹرز کے ہی ایک سابق ممبر رام چندرا گوہا کا کہنا ہے کہ انیل کمبلے کے بعد اب ڈریوڈ اور ظہیر خان کی توہین کی جارہی ہے، یہ تینوں ہی بھارتی کرکٹ کے عظیم سپوتوں میں سے ہیں اور کسی بھی طرح عوامی سطح پر ان کے ساتھ ایسا برتاؤ نہیں کرنا چاہیے۔

About Hasnain Kazmi

Journalism is not something we are earning, it is the treasure that we have to save for our generations. Strong believer of constructive role of Journalism in future world.

Connect

Follow on Twitter Connect on Facebook View all Posts Visit Website

You must be logged in to post a comment Login