counter easy hit

ایٹمی تجربے کی پاداش میں شمالی کوریا پر اقوام متحدہ کی نئی پابندیاں عائد

نیویارک: اقوام متحدہ نے ایٹمی تجربہ کرنے کی پاداش میں شمالی کوریا پر نئی پابندیاں عائد کردیں۔

Imposes new sanctions on North Korea in pursuit of nuclear experimentsاقوام متحدہ کی سلامتی کونسل نے چھٹا اور اب تک کا سب سے بڑا نیوکلیئر تجربہ کرنے پر شمالی کوریا کی تیل درآمدات کو محدود اور ٹیکسٹائل برآمدات پر پابندی لگادی۔ سلامتی کونسل کے اجلاس میں پابندیوں کی قرارداد متفقہ طور پر منظور کرلی گئی اور چین و روس سمیت تمام 15 ممالک نے اس کے حق میں ووٹ دیا۔ نئی پابندیوں کا مقصد شمالی کوریا کو اپنا ایٹمی پروگرام بند کرنے پر آمادہ کرنے کے لیے اسے ایندھن اور اسلحہ پروگرامز کے مالی وسائل سے محروم کرنا ہے۔ پابندیوں کی قرارداد کا مسودہ امریکا نے تیار کیا تھا جس میں اس نے اور زیادہ سخت تجاویز شامل کی تھیں تاہم روس اور چین کے کہنے پر نرم پابندیوں کا مسودہ اتفاق رائے سے منظور کیا گیا۔

دوسری جانب شمالی کوریا نے ردعمل ظاہر کرتے ہوئے کہا کہ ہم پر جیسی پابندیاں لگائی جائیں گی امریکا کو ویسے ہی قیمت چکانی پڑے گی۔ رائے شماری کے بعد اقوام متحدہ میں امریکی سفیر نکلی ہیلی نے کہا کہ ہمیں پابندیوں میں اضافہ کرنا کوئی اچھا نہیں لگ رہا اور ہم جنگ نہیں چاہتے۔ دوسری طرف چینی وزارت خارجہ نے اپنے بیان میں کہا کہ شمالی کوریا نے بین الاقوامی مخالفت کو نظرانداز کرکے دوبارہ ایٹمی تجربہ کیا اور اقوام متحدہ کی قراردادوں کی خلاف ورزی کی، تاہم مسئلے کا کوئی فوجی حل نہیں اور چین جزیرہ نما کوریا میں جنگ اور انتشار کی اجازت نہیں دے گا۔

You must be logged in to post a comment Login