counter easy hit

پاکستان بمقابلہ جنوبی افریقہ کے درمیان پہلے ٹی 20 میچ کے دوران کیا انتہائی شرمناک حرکت کا مظاہرہ ہوتا رہا

کراچی (ویب ڈیسک ) پاکستان اور جنوبی افریقہ کے مابین کھیلے گئے پہلے ٹی ٹوئنٹی میچ میںنشریاتی حقوق حاصل ہونے کا بھرپور فائدہ اٹھایا اور اشتہاروں کی ایسی بھرمار کی کہ دیکھنے والے دانت پیستے ہی رہ گئے۔اینکر پرسن اقرار الحسن بھی پاکستان اور جنوبی افریقہ کے پہلے میچ میں کمرشلز دیکھ دیکھ کر اکتا گئےاور ٹوئٹر پر کچھ یوں اظہار خیال کیا” ویسے TenSports نے آج ٹیلی کاسٹ حقوق میں اپنے ”اکلوتا“ ہونے کاجتنا فائدہ اٹھایا ہے اتنا فائدہ تو حکمرانوں نے آج تک عوام کے ووٹ کا بھی نہیں اٹھایا۔ حرام ہے اشتہارات کے لئے کوئی اچھا کیچ، کوئی اچھی شارٹ دوبارہ دیکھنے دی ہو، سب متاثرینِ ٹین اسپورٹس ری ٹوئیٹ کریں ذرا“۔اقرار الحسن کی جانب سے یہ ٹویٹ کیا گیا تو لوگوں نے اسے ری ٹویٹ کرنا شروع کردیا لیکن جب پاکستان میچ ہارا تو اقرار الحسن نے TenSports سے کچھ ان الفاظ میں معافی مانگی ” چلو ہم نے کیچ یا شارٹس دوبارہ دیکھ کر بھی کیا کرنا ہے ویسے ۔۔۔ سوری ’ٹین اسپورٹس“۔واضح رہے کہ تین ٹی ٹونٹی میچز کی سیریز کے پہلے مقابلے میں جنوبی افریقہ نے پاکستان کو 6رنز سے شکست دیکر سیریز میں1-0کی برتری حاصل کرلی ہے ۔ کیپ ٹاﺅن میں کھیلے جارہے تین میچوں کی سیریز کے پہلے میچ میں قومی ٹیم کے کپتان نے ٹاس جیتا اور پہلے فیلڈنگ کو ترجیح دیتے ہوئے میزبان ٹیم کو بیٹنگ کی دعوت دی، پروٹیز کی جانب سے اوپنر ہینڈرکس اور کلوٹ نے 26 رنز کا آغاز فراہم کیا، کلوٹ 13 رنز بنا کر عماد وسیم کی گیند پر کیچ آﺅٹ ہوئے۔کپتان فاف ڈوپلیسی اور ریزاہینڈرکس نے دوسری وکٹ کیلئے 131رنز کی شاندار پارٹنر شپ قائم کی اور اس دوران دونو ں بلے بازوںنے اپنی اپنی نصف سنچریاں بھی مکمل کیں جس کے بعد ڈوپلیسی 78رنز سکور کرکے عثمان شنواری کی گیند پر شعیب ملک کے ہاتھوں جکڑے گئے ، ہینڈرکس 74 رنز بنا کر آﺅٹ ہوئے جب کہ وین ڈر ڈوسن صفر ، ڈیوڈ ملر 10 اور مورس ایک رن پر پویلین لوٹے، کلاسن اور پھلوکوایو 5،5 رنز بنا کر ناٹ آﺅٹ رہے۔پاکستان کی جانب سے عثمان شنواری نے 3 وکٹیں حاصل کیں، عماد وسیم، حسن علی اور فہیم اشرف نے 1،1 وکٹ حاصل کی۔ پاکستان کا آغاز اچھا نہ رہا اور اوپنر فخر زمان 4رنز بنا کر پوویلین لوٹ گئے ، بابر اعظم اور حسین طلعت نے دوسری وکٹ کے لیے 81رنز کا اضافہ کیا جس کے بعد حسین طلعت 40رنز بنا کر پوویلین لوٹ گئے ، بابر اعظم38رنز بنانے کے بعد ڈیوڈ ملر کے ہاتھوں رن آﺅٹ ہوگئے ،آصف علی کی اننگز 13رنز تک محدود رہی جبکہ عماد وسیم 4رنز بنا کر پوویلین لو ٹ گئے،فہیم اشرف کی اننگز8رنز تک محدود رہی جبکہ حسن علی11رنز بناکر آﺅٹ ہوئے ،کپتان شعیب ملک نے ٹیم کو جتوانے کی پوری کوشش کی تاہم49رنز بنا کر آﺅٹ ہوگئے ،پہلے ٹی ٹونٹی میں قومی ٹیم فخرزمان،بابر اعظم،حسین طلعت،شعیب ملک،محمد رضوان،آصف علی،عماد وسیم،شاداب خان،فہیم اشرف،حسن علی اور عثمان شنواری پر مشتمل ہے۔جنوبی افریقی کپتان فاف ڈو پلیسی اس میچ میں کچھ نئے چہرے میدان میں اتار کر اپنے دیگر ساتھیوں کو سانس لینے کا موقع فراہم کرنا چاہتے ہیں۔مزانسی لیگ میں سپارٹنز کی جانب سے عمدہ باﺅلنگ کرنےوالے بیس سالہ پیسر لوتھو سمپالا کی رفتار کگیسو ربادا جیسی نہیں تاہم انہیں آزماکر دیکھا جائےگا جبکہ گیہان کلوٹے ،ویان ملڈر،کرس مورس،جونیئر ڈالا کے ساتھ ریسی فان ڈیر ڈوسین بھی حتمی الیون کا حصہ بن سکتے ہیں تاہم جنوبی افریقی ٹیم اپنے آزمودہ کار کھلاڑیوں پر زیادہ انحصار کرےگی۔ فاف ڈو پلیسی کا کہنا تھا کہ اب وہ کچھ پلیئرز کو آرام کرانے اور کچھ کو تبدیل کر کے کھلانے پر توجہ دیں گے لہٰذا انٹرنیشنل کرکٹ میں کچھ نئے چہرے بھی سامنے آ سکتے ہیں۔