کراچی (ویب ڈیسک) امریکہ کی قید میں موجودپاکستان کی بیٹی ڈاکٹرعافیہ صدیقی کی بہن فوزیہ صدیقی نے بتایاکہ تین سال سے عافیہ صدیقی سے ملاقات نہیں ہوئی ، ہمیں ملنے ہی نہیں دیاجارہا، عافیہ صدیقی کو بتایاگیا ہے کہ ان کی والدہ کا انتقال ہوچکا ہے ۔ وہ نجی ٹی وی چینل کے پروگرام میں گفتگو کررہی تھیں۔ فوزیہ صدیقی نے بتایاکہ عافیہ صدیقی کی واپسی کے لیے حکومت کا تعاون چاہیے۔ پروگرام میں شریک پیپلزپارٹی کے رہنمانبیل گبول کاکہناتھاکہ عمران خان نے عافیہ صدیقی کی واپسی کا اعلان کیاتھا لیکن حکومت نے اس معاملے پر مایوس کیا ہے ، حکومت کی تبدیلی کہیں نظرنہیں اآرہی ، حکومت کے 100دن پورے ہونے والے ہیں۔ تحریک انصاف کے ڈاکٹر رمیش کمار کاکہناتھاکہ تحریک انصاف قوم سے کیے گئے وعدے پورے کرے گی لیکن امریکی دبائو سے نکلنے کے لیے حکومت کو وقت چاہیے ۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں
اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔