پیرس (علی اشفاق) دنیا بھر کی طرح فرانس میں یکم مئی مزدور ڈے جوش و خروش سے منایا گیا۔ اس سلسلے میں لاہور ریسٹورنٹ میں چوہدری فرانس کمپنی کے ڈائریکٹر آصف چوہدری نے پروقار تقریب کا اہتمام کیا۔ جس میں ان کے ورکرز سمیت سیاسی و سماجی اور صحافتی شخصیات نے بھرپور شرکت کی۔ مہمان خصوصی معروف کاروباری و۔ہردلعزیز شخصیت ابرار کیانی تھے۔ صاحبزادہ عتیق الرحمن نے کمپیئرنگ کے فرائض سرانجام دیئے۔ مقررین نے اپنے خطاب میں مزدوروں کے استحصال اور حقوق بارے تفصیلی روشنی ڈالی۔ اس موقع پر آصف چوہدری کی طرف سے کیک بھی کاٹا گیا اور آخر میں ظہرانہ بھی دیا گیا۔