ٹیچر کی برطرفی کے بعد سکول کے طلبہ نے بحالی کیلئے مہم کا آغاز کردیا،250 طالب علموں کے دستخط

  لندن(یس اردو نیوز) برطانیہ کے مقامی سکول کی خاتون استاد کو فیس بک پر قابل اعتراض تصاویر شیئر کرنے کے بعد نوکری سے برطرف کردیا گیا،خاتون استاد کی برطرفی کے بعد اسکول کے طلبہ نے ان کی بحالی کے لیے مہم کا آغاز کردیا، جس پر 250 طالب علموں نے دستخط کیے ہیں۔غیر ملکی میڈیا کے مطابق انگلینڈ میں بکنگھم شائر کے علاقے نیوپورٹ پاگنیل میں واقع اسکول کی 39 سالہ استاد لادیا فرگوسن نے فیس بک پر اپنی سیلفی اور ایک 8 منٹ کی ویڈیو شیئر کی تھی۔برطانوی میڈیا کے مطابق برطرف کی گئی خاتون استاد 3 بچوں کی ماں بھی ہیں۔اسکول انتظامیہ نے انہیں مختصر کپڑوں میں لی گئی سیلفی فیس بک پر شیئر کرنے کے بعد برطرف کیا، جس پر کئی طلبہ نے احتجاج کیا، اور خاتون استاد کو بحال کرنے کا مطالبہ کیا۔طلبہ کے مطابق لادیا فرگوسن بہت ہی ذہین اور شفیق استاد ہیں۔خاتون استاد کی جانب سے شیئر کی گئی تصاویر میں انہیں مختصر کپڑوں میں دیکھا جاسکتا ہے، جو برطانیہ جیسے ممالک میں کوئی بڑی بات نہیں۔