اسلام آباد (ویب ڈیسک) سابق وزیراعظم نواز شریف کیخلاف العزیزیہ اور فلیگ شپ ریفرنسز کا فیصلہ آج سنایا جائے گا جس کیلئے تمام تیاریاں مکمل کر لی گئی ہیں پاکستان مسلم لیگ (ن) کے رہنماءاور کارکنان کی بڑی تعداد عدالت کے باہر جمع ہو چکی ہے جبکہ صحافی کی بڑی تعداد بھی وہاں موجود ہے جن میں سے کچھ عدالت داخلے کی اجازت نہ ملنے پر سراپا احتجاج ہیں۔ تفصیلات کے مطابق پولیس نے صحافیوں کو روکنے کی کوشش کی تو ایک صحافی پولیس کے دھکوں کی زد میں آ کر ہوش و حواس کھو بیٹھا جسے ساتھی صحافیوں نے اپنے طور پر طبی امداد دینے کی کوشش کی۔ بے ہوشی کی حالت میں صحافی کی ویڈیو سوشل میڈیا پر وائرل ہو گئی ہے جس پر ملا جلا ردعمل سامنے آ رہا ہے جبکہ صحافی برادری اس واقعے پر سراپا احتجاج ہے۔ نجی ٹی وی کے مطابق پولیس نے صحافیوں کو روکنے کی کوشش کی تو ایک صحافی پولیس کے دھکوں کی زد میں آ کر ہوش و حواس کھو بیٹھا جسے ساتھی صحافیوں نے اپنے طورپر طبی امداد دینے کی کوشش کی۔ صحافی برادری اس واقعے پر سراپا احتجاج ہے۔ صحافی کی ویڈیو سوشل میڈیا پر وائرل ہو گئی ہے جس پر ملا جلا ردعمل سامنے آ رہا ہے۔یاد رہے نواز شریف کیخلاف العزیزیہ اور فلیگ شپ ریفرنسز کا فیصلہ اب سے کچھ دیر بعد سنایا جائے گا جس کیلئے تمام تر تیاریاں مکمل کر لی گئی ہیں۔لیگی کارکنان کی بڑی تعداد بھی عدالت کے باہر جمع ہو چکی ہے جبکہ صحافیوں کی بڑی تعداد بھی وہاں موجود ہے جن میں سے کچھ عدالت داخلے کی اجازت نہ ملنے پر سراپا احتجاج ہیں۔