پچھلے دس سال دونوں بڑی پارٹیاں بجلی کے مسئلے سے لڑتی رہیں اوران کے تجربے نے ہی انہیں دھول چٹا دی، عاطف مغل
پیرس (نمائندہ خصوصی) پاکستان تحریک انصاف فرانس لیبر ونگ کے انفارمیشن سیکرٹری عاطف مجاہد نے کہا ہے کہ پچھلے دس سال دونوں بڑی پارٹیوں کاتجربہ بری طرح عیاں ہوتا رہا ہے۔ ایک بجلی کے مسئلے کو ہی لے لیں دونوں بڑی پارٹیاں اس مسئلے کے ہاتھوں بری طرح بے نقاب ہوتی رہیں،
کبھی رینٹل پاور اور کبھی سستے بجلی گھر، کوئلے سے بجلی، سولر پاور پلانٹ وغیرہ لگائے گئے مگر عوام کو لوڈ شیڈنگ کا عذاب برابر جھیلنا پڑا۔ دس سال سے عوام کے ایک دکھ کا مداوا نہیں کرسکے وہ آج بڑی بڑی تقاریر جھاڑ تے اورایسے لیکچر دے رہے ہیں جیسے ان لوگوں نے دودھ اورشہد کی نہریں بہائی ہیں۔
پاکستان تحریک انصاف اللہ تعالیٰ کی مدد سے ملک میں یکساں نظام نافذ کرنے میں کامیاب ہوگی اور تمام شعبوں میں اچھے لوگ لا کر کامیابی کے سفر پر رواں دواں ہے۔