counter easy hit

پی ٹی آئی ممبر اسمبلی عاصمہ حدید کی اسرائیلی حمایت میں تحریک وبیان انتہائی مذموم ہے، اصغر خان

پی ٹی آئی ممبر اسمبلی عاصمہ حدید کی اسرائیلی حمایت میں تحریک وبیان انتہائی مذموم ہے، اصغر خان

پیرس(نمائندہ خصوصی) پاکستان مسلم لیگ ن(یوتھ ونگ)فرانس کے صدر اصغر خان نے پی ٹی آئی ممبر اسمبلی عاصمہ حدید کے بیان کی شدید مذمت کرتے ہوئے کہا ہے کہ تحریک انصاف کو اسرائیلی یہودیوں کے ساتھ تعلقات استوار کرنے کی بہت جلدی ہے۔

انہوں نے کہا کہ یہودیوں کے ساتھ حکومت کی جوخاص لگاوٹ ہے وہ کسی سے ڈھکی چھپی نہیں مگر اس کیلئے تاریخی حقائق اور کو مسخ کرنے کی اجازت نہیں دی جائیگی ۔ تحریک انصاف کے راہنما بہانہ بازی اور ایسے اوچھے ہتھکنڈوں کے بجائے اپنا واضح موقف پیش کریں۔

اسرائیل لاکھ دنیا کے سامنے اپنا بہروپ بدل کر آئے مگر یہ بھلایا نہیں جاسکتا کہ اسرائیل کے ساتھ تعلقات کی عمارت فلسطینیوں کے خون پر بنائی جائےگی اور اسلامی جمہوریہ پاکستان میں اس بات کی اجازت کسی کو نہیں دی جائیگی۔