اسلام آباد (ویب ڈیسک) پاکستان تحریک انصاف کے رہنما اور اینکر پرسن عامر لیاقت کی دوسری شادی کے چرچے ابھی تک تھمنے کا نام نہیں رہے تاہم اب انہوں نے مبشر لقمان کے پروگرام میں وسیم بادامی کو چھیڑتے ہوئے ایسی بات کہہ دی کہ اینکر پرسن کے ہوش اڑ گئے اور انہوں نے اپنا چہرہ نیچے کی طرف کر لیا اور سر پر ہاتھ رکھ لیا۔ تفصیلات کے مطابق معروف ٹی وی اینکر وسیم بادامی اور عامر لیاقت نے نجی ٹی وی سماء نیوز کے پروگرام ’’کھرا سچ‘‘ میں شرکت کی۔ اس دوران مبشر لقمان نے عامر لیاقت سے دوسری شادی سے متعلق سوال کیا جس پر انہوں نے جواب دیتے ہوئے کہا کہ میں بہت خوش ہوں دوسری شادی کر کے۔ تاہم چونکہ وسیم بادامی بھی پروگرام میں شریک تھے تو ’’تلوار‘‘ کا رخ ان کی طرف بھی ہونا تھا تاہم ’’تلوار‘‘ کچھ زیادہ ہی تیز ہو گئی اور وسیم بادامی شدید پریشان بھی ہو گئے۔مبشر لقمان نے مضحکہ خیز انداز میں سوال کیا اآپ بھی ایسا کوئی ارادہ رکھتے ہیں ؟ اس سوال پر وسیم بادامی مسکرائے اور کہنے لگے کہ جب میرا کبھی ارادہ بنا تو آپ کو ضرور بتاوں گا۔ وسیم بادامی ابھی بات جاری رکھے ہوئے تھے کہ عامر لیاقت نے اینٹری ماری اور وسیم بادامی کو چھیڑتے ہوئے کہنے لگے کہ وسیم بادامی کا پورا ارادہ ہے اور وہ اس کام کیلئے دن رات کوشاں بھی ہیں اور جلد ہی آپ کو پتا چل جائےگا۔ عامر لیاقت کی بات سن کر وسیم بدامی شدید حیران پریشان رہ گئے اور انہوں نے اپنا چہرہ نیچے کی طرف کر لیا اور سر پر ہاتھ رکھ لیا۔ وسیم بادامی یہ حالت دیکھ کر مبشر لقمان میں مزید چھیڑتے ہوئے کہا کہ آپ تو یہ بات سن کر شرمانے ہی لگ گئے ہیں تاہم اس بات پر وسیم بادامی نے جواب دیا کہ سٹوڈیو میں بہت گرمی ہو گئی ہےاور مجھے پسینے بھی آ رہے ہیں ۔تاہم مبشر لقمان نے پیچھے ہٹنے سے انکار کرتے ہوئے ایک مرتبہ پھر مسکراتے ہوئے عامر لیاقت سے کہا کہ اس خاتون کے بارے میں کوئی اشارہ ہی دیدیں۔عامر لیاقت نے جواب دیا کہ نہیں رہنے دیں وسیم تو رنگ ہی چھوڑ گیا ہے۔ عامر لیاقت نے پروگرام میں گفتگو کرتے ہوئے بتایا کہ آپ طوبیٰ عامر کو پہلے سے جانتے ہیں وہ بہت اچھی خاتون ہیں ۔اس پر مبشر لقمان نے کہا کہ جی جی میں طوبیٰ عامر کو پہلے سے جانتا ہوں وہ نیک خاتون ہے ۔