بالی ووڈاداکار اکشے کمار اس وقت اپنی فلم پیڈمین کی ریلیز کا انتظار کررہے ہیں تاہم وہ بہت جلد ایک ڈراؤنی فلم میں بھی کام کرتے نظر آئینگے۔
لاہور: 50 سالہ اداکار کی فلم پیڈ مین کے علاوہ رواں سال دو اور فلمیں گولڈ اور 2.0 بھی ریلیز کی جائینگی جبکہ وہ اپنی فلم کیساری کی شوٹنگ میں بھی مصروف ہیں۔ اداکار کئی مختلف کردار ادا کرنے کے بعد اب وہ ڈراؤنی فلم میں کام کرنا چاہتے ہیں اور اس کیلئے انہوں نے 2015 میں ریلیز ہونیوالی تامل ہارر فلم ’’کنچنا 2‘‘کے ہندی ریمیک میں کام کرنے کی حامی بھرلی ہے ۔ واضح رہے کہ اس خبر کا اعلان بالی ووڈ تجزیہ کار رمیش بالا نے اپنے ٹوئٹر اکاؤنٹ پر کیا۔