سلام آباد (مانیٹرنگ ڈیسک) وفاقی وزیر فیصل واوڈا نے انکشاف کرتے ہوئے کہا ہے کہ ایسی دولت کا کیا کرنا ہے جس میں بیٹے بھی لا تعلقی کا اظہار کر دے اور بیٹی پیسوں کی خاطر باپ کو پھنسوا دے، حسن اور حسین نواز اپنے والد نواز شریف سے اظہارِ لا تعلقی کر چکے ہیں۔ تفصیلات کے مطابق نجی ٹی وی چینل کے پروگرام میں گفتگو کرتے ہوئے وفاقی وزیر برائے آبی وسائل فیصل واوڈا نے انکشاف کیا ہے کہ نواز شریف چاہ رہے ہیں کہ کسی طرح انکی جان چھوڑ دی جائے، انہوں نے 2 ارب ڈالر کی پیشکش بھی کر دی ہے جبکہ یہ بات 2 ارب ڈالت تک محدود رہنے والی نہیں بلکہ 5 سے 7 ارب ڈالر تک جا سکتی ہے۔
نواز شریف کے بچوں کے حوالے سے گفتگو کرتے ہوئے فیصل واوڈا کا کہنا تھا کہ جو بیٹی اپنے باپ کو صرف پیسوں کی خاطر پھنسوا دے ، ایس دولت کا کیا فائدہ؟ نواز شریف کے بیٹوں نے بھی پیسے دینے سے انکار کر دیا ہے بلکہ وہ تو اپنے باپ سے لا تعلق ہو چکے ہیں، اگر کسی کو شک ہے تو بے شک چیک کر لیں، ہمیں بہت دفعہ یہ آفر کرائی گئی کہ پیسے لیں اور ہماری جان چھوڑ دیں ۔ پروگرام میں شریک مسلم لیگ ن کے رہنماء مصدق ملک نے فیصل واوڈا کی بات کی تردید کرتے ہوئے کہا کہ صرف اتنا بتا دیں کہ یہ آفر کس نے کس کو کو کرائی ہے؟ اگر کوئی معاملہ عدالت میں چل رہا ہو تو اس میں پلی بارگین نہیں کی جا سکتی ، پی ٹی آئی کے وزیر جھوٹ بول رہے ہیں۔